Category: Uncategorized

8 ساعة · ما ترك الأول للآخر شيئا <<<>>> كم ترك الأول للآخریہ شکوی کئي زبانوں پر سننے کو ملتا ہے کہ جو شخصیت اس دار فانی سے آخرت کو سدھار جاتی ہے، اس کی نئی تحقیق یا جدید بات “درخور اعتنا” سمجھی جاتی ہے، لیکن جو شخصیت زندہ ہو اور کوئی اپنی طبع زاد بات یا نظریہ پیش کرے تو زمانہ اسے محض علمی پیمانے پر پرکھنے کے لئے تیار نہیں ہوتا، اسے قبول کرنا تو بہت دور کی بات ہے، إلا ما شاء الله تعالى۔یہ شکوی کوئی نیا نہیں، ماضی میں بھی ایسا ہی ہوتا آیا، اسی حوالے سے ایک حنفی امام “خیر الدین رملی” نے، جو علامہ حصکفی صاحب “الدر المختار” کے استاد تھے، ایک شعر کہا:قل لمن ير المعاصر شيئا : ويرى للأوائل التقديما إن ذلك القديم كان حديثا : وسيقى هذا الحديث قديماترجمہ: کہہ دو اسے جو اپنے زمانے والے کو کچھ نہیں سمجھتا اور جو پہلے گزر گئے انہیں ہی ہر معاملے میں مقدم ہے سمجھتا کہ جو پہلے گزر گیا وہ بھی کبھی “نیا” (اور کسی کا ہم عصر) تھا اور جو نیا ہے وہ بھی ایک دور میں “پہلوں” میں سے ہو جائے گا۔امام مبرد اس حوالے اپنے تجربہ ان الفاظ میں لکھتے ہیں کہ کئی لوگ اس مصیبت میں مبتلا نظر آتے ہیں، انہیں کوئی علمی نکتہ بغیر نام لئے بیان کیا جائے، تو اس پر اش اش کراٹھتے ہیں، لیکن جب وہی علمی بات کسی ہم عصر کے حوالے سے بتائی جائے تو ایک سو اسی درجے کے زاویے پر پھر گئے اور اس پر نقد وجرح کے تیر برسانے لگے۔مشہور حنفی عالم علامہ عبد الحي لکھنوی نے فقہ حنفی کی مشہور کتاب “الجامع الصغير” پر حاشیہ چڑھایا، جب اس سے فارغ ہوئے تو اس کے لئے ایک جاندار مقدمہ بھی تحریر فرمایا۔ مولانا لکھنوی مقدمے میں فقہ حنفی سے منسوب ائمہ اور فقہا کے درجات بیان کرنے اور فقہ حنفی میں متعمد اور قابل اعتبار کتابوں میں درجہ بندی کرنے کے بعد کہتے ہیں کہ:”یہ درجوں اور رتبوں میں فرق زمانے کے آگے پیچھے ہونے کے لحاظ سے نہیں، بلکہ ان کتابوں کے قلم کاروں کے علمی رتبے کی بنیاد پرہے، ضروری نہیں کہ ہر بعد میں آنے والے کی تصنیف پہلوں سے کہتر ہو، بلکے کبھی کبھی بعد میں آنے والے کی کتاب کا پلڑا اس کی صفات کی وجہ سے پہلوں کی کتابوں پر بھاری ہو جاتا ہے، جس نے بھی بصیرت کی نگاہ دوڑائی اس سے یہ حقیقت ڈھکی چھپی نہیں ہے”رحمه الله تعالى هؤلاء العلماء الأحرار، وجزاهم عنا خير الجزاء ————– النافع الكبير لمن يطالع الجامع الكبير، لعبد الحي اللكنوي، في نهايى الفصل الأول في ذكر طبقات الفقهاء والكتب وكيفية شيوع العلم خلفا وسلفا