A spiritual Ishmaelite

جس پل وہ قیامت آی تھی
بندوق کو اس نے تانا ہو گا
بیگ کو اس نے چھینا ہو گا
خوف کو اس نے دیکھا ہو گا
پھول سا بچہ سمٹا ہو گا
دل یوں زور سے دھڑکا ہو گا
ماں کو اس نے ڈھونڈا ہو گا
تڑپ تڑپ کے چیخا ہو گا
جس فرش پہ ٹانگیں کانپیں اسکی
اک بار تو وہ بھی لرزہ ہو گا
اک بار تو چھت بھی کانپی ہو گی
ہوا کا زور بھی ٹوٹا ہو گا
کیا پھر ایسا ممکن ہے
انسان کا دل نہ پگھلا ہو گا
پتھر کا بت نہ ٹوٹا ہو گا
یا پھر وہ اک روبوٹ ہو گا

ہاں بچہ بھی یہ سمجھا ہو گا
جیسی اسکی ویڈیو گیم ہے
اس جیسا یہ منظر ہو گا
گیم ختم تو بات ختم
دکھ کی یہ سوغات ختم
پھر سے سب کچھ زندہ ہو گا
پھر سے ہاتھ میں بستہ ہو گا
موت، کفن، قبر، دفن
وہ تو یہ نہ سمجھا ہو گا
گیم ختم نہ ہونے پر
دل اسکا کیسے ٹوٹا ہو گا
ماں کو جب وہ ترسا ہو گا
باپ کا راستہ تکتا ہو گا
اک حشر کا عالم چھایا ہو گا
بس یہ مجھے بتلا دو مونا ،
اس ظالم نے کیا پایا ہو گا….؟؟